Samarqand shahar davlat xizmatlari markazida «prava» almashtirish xizmati ishga tushdi

Haydovchilik guvohnomasini chop etish uskunasida aniqlangan nosozlikni bartaraf etilishi tufayli Samarqand shahar DXMda eski namunadagi milliy haydovchilik guvohnomasini yangisiga almashtirish xizmati vaqtincha to‘xtatilgani haqida xabar qilingan edi.

Samarqand shahrida mazkur xizmatga talab yuqoriligi hamda fuqarolardan kelib tushayotgan murojaatlarni inobatga olib, Samarqand shahar davlat xizmatlari markazida ushbu xizmat qayta ishga tushirildi.

Urgut tuman davlat xizmatlari markazidagi chop etish uskunasi vaqtincha Samarqand shahriga olib kelinib, o‘rnatilgani bois, mazkur tumanda joylashgan markazda ushbu xizmat vaqtincha ko‘rsatilmaydi.

Fuqarolar, shuningdek, IIB bo‘limlaridan ham mazkur xizmatdan foydalanishlari  mumkin.