Энг омадсиз одамлар
Бу одамлар ҳақиқатан ҳам дунёдаги энг омадсиз одамлардир! Бу бахтсиз ҳодисаларнинг барчаси улар билан содир бўлиши мумкинлигига ишониб бўлмайди.
Жон Лин
“Мусибат” лақабли Жон Лин шу қадар тез-тез муаммога дуч келганлиги сабабли унга шу лақаб берилди. Жон жами 16 та йирик бахтсиз ҳодисани бошдан кечирди, жумладан, тез ёрдам машинасидаги аравадан йиқилиб кетганида, шу заҳотиёқ уни машина босиб кетди.
У дарахтдан йиқилиб, қўлини синдирган, яшин уришидан омон қолган, ўпирилиш содир бўлган пайтда шахтада бўлган ва катапультадан отилган тош унинг бошига келиб урилган. Лин ҳатто автобус ҳалокатидан омон қолди, ботқоқликка чўкди, шундан сўнг шифокорлар унинг ошқозонини ювиб, танасини дезинфекция қилишига тўғри келган эди.
Рой Салливан
Рой Салливанни ҳаётида жами етти марта чақмоқ урган. Бундай зарбалардан омон қолиш эҳтимоли нолга тенг. Бир мартасига чақмоқ ҳатто унинг хотини билан бирга урди. Шуларнинг барчасига қарамай, Рой 71 ёшгача яшади.
Костис Митсотакис
2012 йилда Испаниядаги бир қишлоқнинг барча аҳолиси маҳаллий уй бекалари уюшмаси томонидан тарқатилган лотерея чипталарини сотиб олди. Маълум бўлишича, умумий жамғармаси 600 миллион фунт стерлинг бўлган лотереяни Содето қишлоғининг ҳар бир фуқароси ютиб олган. Фақат бир киши - Костис Митсотакис исмли фуқаро бу умумий қувончга шерик бўла олмади. Ажабланарлиси, тарқатувчилар лотерея тарқатган пайтда қишлоқдаги 70 та уйдан фақат Митсотакиснинг уйини четлаб ўтишган экан. Ушбу ҳолатдан сўнг ҳатто севгилиси уни ташлаб кетди.
Энн Ҳожес
Одатда метеоритлар Ер юзасига етиб бормасдан атмосферада ёниб кетади. Мабодо етиб келса ҳам, бирор бир чўл ёки океанга тушади. Инсоният тарихида фақат бир марта метеорит одам устига тушган ҳолат 1954 йилда, америкалик Энн Ҳожес диванда ухлаб ётганида, томини тешиб, унинг сонини жароҳатлаганида содир бўлди.
Мелание Мартинез
Сўнгги 50 йилдаги тўртинчи довул уни хонавайрон қилганидан сўнг, Мелание Мартинез Америкадаги энг омадсиз аёл деб номланди. Унинг уйлари Бетси (1965), Хуан (1985), Жордж (1998) ва Катрина (2005) довуллари томонидан вайрон қилинган. 2012 йилда “Исаак” тўфон ҳам унинг бешинчи ва охирги уйини четлаб ўтмади.
Жон Уэйд Аган
47 ёшли эркак такси ҳайдарди, кунларнинг бирида йўловчилар уни қурол билан қўрқитиб талон тарож қилишди ва уни машинаси юкхонасига қамаб кетишди. 2008 йилда кўчадаги муштлашишда қассоб пичоғи унинг кўкрагига санчилди. 2009 йилда Жой бир вақтнинг ўзида уни иккита илон чаққанлиги ҳақида даъво қилди. 2011 йилда у Флоридадаги уйида уй телефонида ким биландир гаплашаётган пайтда чақмоқ уриб кетгани ҳақида хабар берган.
Вилмер Маклин
Америка фуқаролар уруши том маънода шу одамнинг кўз ўнгида ўтди. Вилмер Маклинга тегишли Булл Рун қишлоғи яқинида жойлашган ферма дастлаб биринчи уруш, бир йилдан сўнг эса иккинчи уруш гувоҳи бўлди. Ҳаммаси бўлиб унга тегишли ерларда 20 000 киши ҳалок бўлди. У урушдан қочишга қарор қилди ва Виржинияга кўчиб ўтди, бироқ уруш ҳам унга эргашди. Якуний жанглардан бири Маклинга тегишли унинг янги мулки ҳудудида бўлиб ўтди ва ҳатто сулҳ ҳам унинг меҳмонхонасида имзоланди!
Роберт Тодд Линкольн
АҚШнинг бир нечта президентлари билан шахсан таниш бўлган Роберт Тодд Линкольн афсонавий президент Авраам Линкольннинг тўнғич ўғли эди. 1865 йилнинг 14 апрелида 22 ёшли Роберт Вашингтондаги Форд театрида актёр Жон Бут томонидан отасининг ўлдирилишига гувоҳи бўлиб, бахтсизликни бошдан кечирди. 1881 йилнинг 2 июлида у президент Жеймс Гарфилднинг ўлдирилиши гувоҳига айланди. Кўп ўтмай, президент Уильям МакКинли ҳам отиб ўлдирилди ва Роберт бу қотилликни ҳам ўз кўзи билан кўрди. Шундан сўнг Линкольн давлат хизматидан бутунлай воз кечди.
Баҳора Муҳаммадиева тайёрлади.
