Мовароуннаҳр – цивилизациялар чорраҳаси

Туркиянинг илмни қўллаб-қувватлаш ассоциацияси ва Усмонли илмлар академияси Имом Бухорий халқаро илмий-тадқиқот маркази билан ҳамкорликда “Мовароуннаҳрда илмий ҳаёт” мавзуида онлайн семинар ташкил этди.

Семинарда Туркиянинг Ҳожа Али, Анқара, Истанбул ва Мармара университетлари олимлари билан бир қаторда Имом Бухорий халқаро илмий-тадқиқот маркази директори Шовосил Зиёдов “XVIII-XIX асрларда  Бухорода ёзилган фиқҳий асарлар таҳлили” ва марказ директори ўринбосари Отабек Муҳаммадиев “Имом Бухорий халқаро илмий-тадқиқот маркази манбалар хазинасида сақланаётган нодир қўлёзмалар” мавзуидаги маърузалари билан иштирок этди.

Онлайн-мулоқотда тарихчи, исломшунос ва шарқшунос олимлар Моваруннаҳр тарихига оид илмий изланишлари, тўпланган манбалар билан ўртоқлашди. Иштирокчилар томонидан Моварауннаҳр ҳудуди нафақат ислом дини, балки барча соҳалар тараққиётида цвилизацилар чорраҳаси бўлгани эътироф этилди.

Марказ ахборот хизмати.