Нетаняху Эронга таҳдид қилмоқда. Песков уруш қачон тугашини айтди. Трамп Хитой божларини камайтирмайди. Ҳиндистон ва Покистон уруш арафасида
🔹 Россия Президентининг матбуот котиби Песковнинг айтишича, агар Украина ўз қўшинларини босиб олган тўртта ҳудуддан олиб чиқса, уруш тугайди. Москва ўз мақсадига хоҳ тинч йўл билан бўлсин, хоҳ ҳарбий йўл билан, аммо эришади, деди яна у Le Pointга берган интервьюсида.
🔹 Исроил Бош вазири Бинямин Нетаняху Эронга зарба бериш билан яна бир бор таҳдид қилди. У АҚШ билан ядровий дастур бўйича музокара олиб бораётган Эроннинг ядро қуролига эга бўлишига йўл қўймаслигини маълум қилган.
🔹 Россия урушни тугатиш бўйича келишув тузишга тайёр, бироқ энди Украина билан келишиш керак. Бу ҳақда АҚШ президенти Дональд Трамп айтди. "Ҳозир бу бироз қийинроқ, лекин ҳаммаси жойида", деди у Овал кабинетда журналистлар билан суҳбатда. 18 апрель куни Трамп Украинадаги урушни тугатиш бўйича музокаралар “ҳал қилув нуқтага” етганини эълон қилди ва ҳеч қандай тараққиёт бўлмаса, Қўшма Штатлар ундан чиқиб кетишидан огоҳлантирди. Бир кун олдин Трампнинг тинчлик режаси Украина делегациясига топширилган эди. Бир варақдан иборат ҳужжатда бу “якуний таклиф” эканлиги аниқ айтилган.
🔹 Ҳиндистон Покистон билан қуруқлик чегарасини ёпмоқчи. Гап яқинда Кашмир штатидаги оммавий қотилликдан сўнг авж олган. Ушбу можарода террорчилар сайёҳларга қарата ўқ узган, ўнлаб одамларни ҳалок бўлган. Покистон жиноятга алоқадорлигини қатъиян рад этади. Нью-Деҳли қўшни давлат вакили бўлган дипломатларнинг деярли ярмини чиқариб юбормоқда, покистонликларнинг визаларини бекор қилиб, Ҳиндистонни имкон қадар тезроқ тарк этишни буюрмоқда.
🔹 Россия Қозоғистоннинг стратегик ҳамкори бўлиб қолмоқда ва яқинда қабул қилинган “Ҳудудий мудофаа тўғрисида”ги қонун фақат ички хавфсизликни мустаҳкамлашга қаратилган ва Россияга қарши характерга эга эмас. Айрим ОАВда тарқалган ёлғон ва чалғитувчи нашрларга Қозоғистон мудофаа вазирлиги шундай изоҳ берди. Вазирлик ҳудудий мудофаа бригадаларини жойлаштириш фақат моддий-техник, географик ва демографик мезонлар асосида белгиланиши ва ҳеч қандай ташқи таҳдидларга алоқадор эмаслигини таъкидлайди.
🔹 Қўшма Штатларда 12 штатнинг демократ бош прокурорлари президент Дональд Трампнинг қатор давлатларга божларни оширганлиги қонунийлигига эътироз билдириб, судга мурожаат қилган. Шунга қарамасдан, Трамп Хитойдан маҳсулотларга божхона тўловларини бир томонлама камайтириш ниятида эмас. Вашингтон тарифларни пасайтириш ва савдо тўсиқларини олиб ташлашни Пекиндан кутмоқда.
🔹 Туркиянинг Анқара шаҳридаги мухолифат одамларни Эрдўғонга қарши намойишга бошлаган.
🔹 Мексикада автобуснинг ҳалокатга учраши оқибатида 11 киши ҳалок бўлди, 12 киши жароҳат олган.
🔹 Россия кеча тунда Украинага катта ҳужум уюштирди. Киев ва минтақада 45 та дрон қайд этилган. Тахминан 10 киши ҳалок бўлган, кўплаб жароҳатланганлар бор.
🔹 Эрон Афғонистон билан шарқий чегарасида шиддат билан улкан девор қурмоқда. Толибон ҳукумат тепасига келганидан сўнг Афғонистонда иқтисодий вазият фонида Эронга боришга уринаётган афғон муҳожирлари сони кескин кўпайган. БМТ маълумотларига кўра, Эронда аллақачон 3 миллиондан ортиқ афғон бор, уларнинг бир қисми қонуний мақомсиз яшайди.
🔹 Туркиянинг Мармара денгизида зилзилалар қайд этилиши давом этмоқда.
Г.Холдорова тайёрлади.
