Она тилини мукаммал билган киши ўзга тилларни ҳам тўлиқ ўзлаштира олади
Тил - миллатнинг кўзгуси, унинг руҳияти. Инсон тафаккури тилда акс этади. Тилнинг ифодаси нутқда намоён. Бироқ қалб буларнинг барчаси учун қувват манбаи. Инсоннинг жамиятга, ҳаётга муносабати, аввало, қалб билан боғлиқ. Зотан, қалб мусаффо бўлса, тафаккур теъран, тил мукаммал, нутқ сержило ва пурҳикматдир.
“Бир тилни билган - бир инсон, ўн тилни билган - ўн инсон”, дейди доно халқимиз. Бироқ инсонда она тили битта бўлади. У кишининг бевосита кузатишлари орқали ўзлаштирган тилидир. Бошқа тиллар унинг воситасида ўзлаштирилади. Шундай экан, она тилини мукаммал ўзлаштирмай туриб, бошқа тилларни ундан кўра мукаммал билишнинг имкони йўқ. Она тилини мукаммал билган кишигина ўзга тилларни ҳам тўлиқ ўзлаштириш имконига эга бўлади. Она тилини мукаммал билган киши том маънода шу миллатнинг вакили.
Қалб, тафаккур, тил ва нутқдек жавҳарларимизни покиза сақлайлик!
Хуршиджон ХАЙРУЛЛАЕВ,
Самарқанд чет тиллар институти профессори.
