Пентагон НУЖ парвози тасвирланган видеолавҳаларни очиқлади

Пентагон ўз сайтига НУЖ (номаълум учувчи жисм)ларнинг  парвози тасвирланган видеолавҳаларни жойлаштирди. Видеолавҳалар 2004 йилнинг ноябрь ва 2017 йилнинг январь ойларида жанговар самолёт экипажлари томонидан тасвирга олинган.

Ушбу лавҳаларда ташқи кўринишидан самолетларга ҳам, вертолетларга ҳам ва бошқа турдаги учиш ускуналарига ҳам ўхшамайдиган номаълум учувчи жисмларнинг парвози тасвирланган.

“Видеолавҳаларда тасвирланган ҳодисалар номаълум жисм сифатида таърифланади”, дейилган Пентагон баёнотида.