Рустам Холмуродов 70 ёшга тўлди

Самарқанд давлат университети ректори Рустам Холмуродов 1949 йил 16 августда Самарқанд шаҳрида таваллуд топган.

Р.Холмуродов 1972 йил Самарқанд давлат архитектура-қурилиш институтини саноат-фуқаролик қурилиши мутахассислиги бўйича тугатган. У техника фанлари доктори, профессор.

Меҳнат фаолиятини 1977 йил Самарқанд давлат архитектура-қурилиш институти темирбетон ва тош қурилмалари кафедраси ассистенти, катта ўқитувчиси вазифасидан бошлаган. Кўп йиллар таълим соҳасида фаолият юритган.

2003-2004 йилларда Самарқанд вилояти ҳокими лавозимида ишлаган.

Рустам Холмуродов 2016 йилдан буён Самарқанд давлат университети ректори.

2017 йилда “Эл-юрт ҳурмати” ордени билан мукофотланган.