Samarqand shahrida xotin-qizlar o‘rtasida velomarafon bo‘lib o‘tdi
Qator hamkor tashkilotlar tomonidan o‘tkazilgan tadbirda viloyatimizning barcha shahar va tumanlaridan kelgan 100 nafarga yaqin kichik va katta yoshdagi sportchi ayollar 5 kilometr masofani bosib o‘tdi.
Marafonda ishtirokchilarning velosipedda harakatlanishi, chaqqonligi, belgilangan marrani birinchi bo‘lib bosib o‘tishi mutaxassislar tomonidan baholandi. Yakunda Toyloq va Paxtachi tumanidan kelgan xotin-qizlar yetakchilik qildi.
Tadbirda viloyat hokimining o‘rinbosari, xotin-qizlar qo‘mitasi raisi G.Alimova ishtirok etdi.
Ozoda SOLIYeVA.
