Тоғли Қорабоғдаги портлаш қурбонлари сони ортмоқда
Сўнгги маълумотларга кўра, кеча Тоғли Қорабоғдаги ёқилғи омборида содир бўлган портлашда камида 125 киши ҳалок бўлган. Бу ҳақда Арманистон соғлиқни сақлаш вазирлиги маълум тарқатди.
Қурбонлар жасадлари Арманистонга етказилган, бироқ уларнинг шахсини аниқлаш ҳали бошланмаган. Яна 67 нафар жабрланувчи миллий куйиш марказида даволанмоқда. Уларнинг аксариятининг аҳволи “оғир” ва “ўта оғир” деб баҳоланмоқда.
Маҳаллий ОАВларига кўра, ҳозирда 250 дан ортиқ жабрланганлар маълум, бедарак йўқолганлар бор.
Степанакерт яқинидаги ёқилғи қуйиш шохобчасида 25 сентябрь куни портлаш содир бўлган. У ерда ёқилғи олиб кетаётган бензовоз портлаб кетган. Портлашга нима сабаб бўлганлиги ҳозирча номаълум.
