Украинада Президентлик сайловининг биринчи босқичи: номзодлар ичида Зеленский олдинда бормоқда
Сайлов бюллтенларининг қарийб ярми ҳисоб-қилинганда номзодлар ичида Зеленский 30.22 фоиз овоз билан кеча ўтказилган сайловнинг биринчи босқичида пешқадамлик қиляпти. Бу ҳақда РИА Новости хабар бермоқда.
Президент Порошенко эса 16.69 фоиз сайловчиларнинг қўллови билан иккинчи ўринда турибди.
“Батькивщина” партиясининг раҳбари Юлия Тимошенко 13.14 фоиз сайловчиларнинг қўллови билан учинчи ўринда бормоқда.
Яна бир номзод Юрий Бойко эса 11.45 фоиз сайловчилар овози билан тўртинчи ўринни эгаллаб турибди. Президентлик сайловининг кейинги босқичида кураш Зеленский ва Порошенко ўртасида бўлиб ўтиши ойдинлашмоқда.
