Bugun Germaniyada uch kunlik G7 sammiti boshlanadi
Sammit Bavariyadagi "Elmau" qasrida bo‘lib o‘tadi. Unda G7 yetakchilari, jumladan, Germaniyaga yetib borgan Bayden, shuningdek, Senegal, Janubiy Afrika, Argentina, Hindiston, Indoneziya davlatlari rahbarlari va Ukraina prezidenti Vladimir Zelenskiy qatnashadi.
Uchrashuvning asosiy mavzusi - Ukraina va Rossiya mojarosi oqibatlari, energiya yetishmasligi, oziq-ovqat inqirozi bo‘ladi. “Katta yettilik” yetakchilari Kiyevni qo‘llab-quvvatlashda birdamlikni namoyish etishga va Moskvaga bosimni kuchaytirishga intilishi kutilmoqda, deb yozadi Guardian.
Shu bilan birga, G7 yetakchilari inflyasiyani keltirib chiqaruvchi va narxlar ko‘tarilishi bilan bog‘liq inqirozni kuchaytirishi mumkin bo‘lgan sanksiyalardan qochishga harakat qiladi, deya qayd etadi Spiegel.
