“Док-1 Макс”: Шаҳрисабзлик бемор бола саломатлиги тикланмоқда
“Док-1 Макс” дори воситаси ичиб заҳарланган шаҳрисабзлик уч ёшли бемор Абдуллоҳ Файзиддинов 2022 йил 23 декабрдан буён Самарқанд вилоят болалар кўп тармоқли тиббиёт марказида даволанаётгани ва унинг ҳолатида ижобий ўзгаришлар борлиги ҳақида хабар бергандик.
Марказ мутахассисларига кўра, кеча беморнинг саломатлиги бир мунча яхшилангани туфайли у жонлантириш бўлимидан, нефрология бўлимига олинган ва даво муолажалари давом этмоқда.
Айни пайтда Самарқанд вилоят болалар кўп тармоқли тиббиёт марказида шаҳрисабзлик бемордан ташқари “Док-1 Макс” дори воситасидан заҳарланиб мурожаат қилганлар йўқ.
