Мактабларда биринчи қўнғироқ чалинди

Бугун вилоятимизнинг барча умумтаълим мактабларида "Биринчи қўнғироқ"  тадбирлари "Ватан учун, миллат учун, халқ учун!" шиори остида ўтказилди.

Самарқанд шаҳридаги 58-умумтаълим мактабида ҳам «Биринчи қўнғироқ» тадбири кўтаринки руҳда бўлиб ўтди. Байрамона безатилган таълим даргоҳи ўқувчиларга яна ўз эшикларини очди.

Жорий ўқув йилида таълим муассасасига 105 нафар ўғил-қиз биринчи синфга қабул қилинган.

Тадбирда мактаб ўқитувчилари ва ўқувчилар, уларнинг ота-оналари, фахрий устозлар, маҳалла фаоллари иштирок этди. 1-синф ўқувчиларига «Президент совға»лари топширилди.

Дарслар "Келажак соати" машғулоти билан бошланди.