Maktablarda birinchi qo‘ng‘iroq chalindi

Bugun viloyatimizning barcha umumta’lim maktablarida "Birinchi qo‘ng‘iroq"  tadbirlari "Vatan uchun, millat uchun, xalq uchun!" shiori ostida o‘tkazildi.

Samarqand shahridagi 58-umumta’lim maktabida ham «Birinchi qo‘ng‘iroq» tadbiri ko‘tarinki ruhda bo‘lib o‘tdi. Bayramona bezatilgan ta’lim dargohi o‘quvchilarga yana o‘z eshiklarini ochdi.

Joriy o‘quv yilida ta’lim muassasasiga 105 nafar o‘g‘il-qiz birinchi sinfga qabul qilingan.

Tadbirda maktab o‘qituvchilari va o‘quvchilar, ularning ota-onalari, faxriy ustozlar, mahalla faollari ishtirok etdi. 1-sinf o‘quvchilariga «Prezident sovg‘a»lari topshirildi.

Darslar "Kelajak soati" mashg‘uloti bilan boshlandi.