Ўзбек фильми халқаро кинофестивалда Гран-при ғолиби бўлди
Жорий йил 12-17 ноябрь кунлари ўтказилган Ҳамдўстлик мамлакатлари «Москва премьераси» иккинчи халқаро кинофестивали якунлари сарҳисоб қилинди. Бу ҳақда "Ўзбеккино" миллий агентлиги хабар берди.
Кинофестиваль якунига кўра, тўлиқ метражли фильмлар танловида Ёлқин Тўйчиевнинг "Фариданинг икки минг қўшиғи" бадиий картинаси бош мукофотга сазовор бўлди.
Москвада бўлиб ўтган кинофестивалнинг тўлиқ ва қисқа метражли фильмлар танловига Озарбайжон, Арманистон, Беларусь, Грузия, Қозоғистон, Қирғизистон, Молдова, Литва, Россия, Ўзбекистон ва Украинанинг фильмлари киритилди.
