O‘zbek filmi xalqaro kinofestivalda Gran-pri g‘olibi bo‘ldi
Joriy yil 12-17 noyabr kunlari o‘tkazilgan Hamdo‘stlik mamlakatlari «Moskva premerasi» ikkinchi xalqaro kinofestivali yakunlari sarhisob qilindi. Bu haqda "O‘zbekkino" milliy agentligi xabar berdi.
Kinofestival yakuniga ko‘ra, to‘liq metrajli filmlar tanlovida Yolqin To‘ychiyevning "Faridaning ikki ming qo‘shig‘i" badiiy kartinasi bosh mukofotga sazovor bo‘ldi.
Moskvada bo‘lib o‘tgan kinofestivalning to‘liq va qisqa metrajli filmlar tanloviga Ozarbayjon, Armaniston, Belarus, Gruziya, Qozog‘iston, Qirg‘iziston, Moldova, Litva, Rossiya, O‘zbekiston va Ukrainaning filmlari kiritildi.
