Президент журналист Бобомурод Абдуллаевга уй совға қилди

Шавкат Мирзиёев журналист Бобомурод Абдуллаевга “Green Park” турар жой мажмуасидан уч хонали хонадон совға қилган. Бу ҳақда журналист Facebook’даги саҳифасида маълум қилди.

Унинг маълум қилишича, хонадон барча нарсалар, хусусан, маиший техника билан жиҳозланган. Янги хонадонга 5 октябрь куни кўчиб ўтган.
Журналист бунинг учун Шавкат Мирзиёевга миннатдорлик билдирган.