Самарқандда “Аёл қисмати” фильми намойиши бўлиб ўтди

14 январь – Ватан ҳимоячилари куни муносабати билан Кинематография агентлиги Самарқанд вилояти ҳудудий бўлими томонидан ҳудуддаги Марказий ҳарбий округда ҳарбий хизматчилар учун “Аёл қисмати” бадиий фильми намойиш этилди.

Маълумот учун, “Аёл қисмати” бадиий фильми Кинематография агентлиги буюртмасига биноан Asian Trade Company (CATC) ҳамда “Дилшоҳ медиа” киностудиялари ҳамкорлигида суратга олинган. Фильмда Суриядан қайтган аёллар тақдири ҳақида ҳикоя қилинади.

Сценарий муаллифлари Дилмурод Масаидов ҳамда Сардор Ҳамроев, постановкачи режиссёр Дилмурод Масаидов, постановкачи оператор Ҳусан Алиев, рассом Ҳусайн Эшниёзов, продюссер Маҳмуд Эркабоев, либослар бўйича рассом Севара Зуннунова, картина директори Азизбек Азатбоев.