Samarqandda “Ayol qismati” filmi namoyishi bo‘lib o‘tdi
14 yanvar – Vatan himoyachilari kuni munosabati bilan Kinematografiya agentligi Samarqand viloyati hududiy bo‘limi tomonidan hududdagi Markaziy harbiy okrugda harbiy xizmatchilar uchun “Ayol qismati” badiiy filmi namoyish etildi.
Ma’lumot uchun, “Ayol qismati” badiiy filmi Kinematografiya agentligi buyurtmasiga binoan Asian Trade Company (CATC) hamda “Dilshoh media” kinostudiyalari hamkorligida suratga olingan. Filmda Suriyadan qaytgan ayollar taqdiri haqida hikoya qilinadi.
Ssenariy mualliflari Dilmurod Masaidov hamda Sardor Hamroyev, postanovkachi rejissyor Dilmurod Masaidov, postanovkachi operator Husan Aliyev, rassom Husayn Eshniyozov, prodyusser Mahmud Erkaboyev, liboslar bo‘yicha rassom Sevara Zunnunova, kartina direktori Azizbek Azatboyev.
