Трамп: Бизда ҳеч кимга маълум бўлмаган қурол бор

АҚШнинг амалдаги президенти Дональд Трамп Мичиган штатидаги сайловчилар билан бўлган учрашувда мамлакат ҳарбийлари янги қурол яратганини, “унақаси Путинда ҳам, Си Цзинпинда ҳам йўқ”лигини маълум қилди.

“Бизда илгари ҳеч ким кўрмаган ракеталар, тизимлар бор. Улардан фойдаланишга тўғри келмайди, деб умид қиламан. Бироқ яна бир марта такрорлайман, ҳозирги вақтда Америка ядро қуроли, бундан ўн йил олдингига нисбатан аъло даражада”, деди Трамп.

Трамп нутқи давомида у ҳеч қандай махфий маълумотларни овоза қилмаётганини алоҳида таъкидлади.

“Мен шунчаки барча билишини хоҳлайман. Бизда олий даражали тизим, олий даражали ускуналар ва дунёнинг исталган нуқтасида олий даражали одамлар бор. Америка ҳарбийларидан зўри йўқ”, қўшимча қилди Трамп.