UFC жангчиси фожеали тарзда вафот этган қизига видолашув хатини ёзди
UFC жангчиси Уолт Харрис фожиали тарзда вафот этган қизи Ане Бланшарга видолашув хатини ёзди.
“Менинг ягонам... Ҳаётимни яхшилашга ҳаракат қилганинг учун миннатдорчилик билдираман. Сен мени эркак ва энг яхши ота бўлишимга сабабчи бўлдинг. Сен ғалабаларим ва мағлубиятларимда доим бирга бўлдинг. Сен доим йиқилганимда ўрнимдан туришимга мажбур қилдинг. Мени кучли бўлишимни истаган эдинг. Лекин мен сенсиз қийналмоқдаман. Сени йўқотиш жуда-жуда оғир. Ёнимга қайтишинг учун боримни беришга рози эдим. Лекин... Сен мен билан фахрланиб юргансан, деб ўйлайман. Мен сен учун ҳам кучли бўламан. Мен сени жонимдан ортиқ севаман. Сени бир умр, ўлгунимга қадар севаман. Менинг кичкинагина йўлбарсчам, энди фаришта. Мен сени севаман...”, деб ёзган Харрис.
Маълум бўлишича, Уолт Харриснинг қизи октябрь ойида бедарак йўқолади. Ҳуқуқ-тартибот идоралари қидируви натижасида 25 ноябрь куни қизнинг жасади топилади.
