Yaponiya qirg‘oqlarida kuchli zilzila yuz berdi

6,1 balli zilzila Xokkaydo orolining janubi-sharqida sodir bo‘ldi.

Mamlakat Bosh meteorologik agentligining xabar berishicha, silkinishlar mahalliy vaqt bilan 12:24 da (Toshkent vaqti bilan 08:24) qayd etilgan. Zilzila manbai suv ostida, 60 kilometr chuqurlikda bo‘ldi.

Uch balli silkinish Xokkaydo orolining janubi-sharqiy va sharqiy qismida sezilgan.

Zilzila tufayli jabrlanganlar va talafotlar haqida ma’lumot berilmagan. Sunami xavfi yo‘qligi ta’kidlangan.