1-sinfga qabul jarayoni 6 iyuldan boshlanadi
Pandemiya sharoitini inobatga olgan holda, 1-sinfga o‘quvchilarning hujjatlari:
➖ 6-31 iyul kunlari biriktirilgan mikrohudud doirasida;
➖ 1-25 avgust kunlari maktablarning imkoniyatidan kelib chiqib, mikrohududdan tashqari qabul qilinadi.
Shuningdek, pandemiya sharoitida ota-onalarning maktablarda to‘planishining oldini olish maqsadida Toshkent shahrida tajriba-sinov tariqasida ilk marotaba 1-sinfga boradigan o‘quvchilarning hujjat topshirish jarayoni qabul.maktab.uz orqali (5 iyuldan) onlayn navbat asosida amalga oshiriladi. Dastur Toshkent shahrida muvaffaqiyatli tatbiq etilsa, keyingi o‘quv yilidan boshlab boshqa hududlarda ham bosqichma-bosqich joriy qilinadi.
Xalq ta’limi vazirligi axborot xizmatining ma’lum qilishicha, 2020-2021 o‘quv yilida Respublika bo‘yicha jami 650 116 nafar bola 1-sinfga qabul qilinishi rejalashtirilgan.
