Avtokross bo‘yicha O‘zbekiston kubogi g‘oliblari aniqlandi

Urgut tumanidagi maxsus avtodromda avtokross bo‘yicha O‘zbekiston kubogi musobaqalari bo‘lib o‘tdi.

Ikki kun davom etgan musobaqada respublikamizning turli hududlaridan 50 nafardan ziyod sprotchi “A-7”, “A-8”, “NU” va “Baggi” sinflarida poygalarda qatnashdi.
Musobaqada umumjamoa hisobida Toshkent shahri jamoasi g‘oliblikni qo‘lga kiritgan bo‘lsa, keyingi o‘rinlarni Samarqand va Jizzax viloyatlari jamoalari egalladi.
G‘oliblar va yuqori o‘rinlarni qo‘lga kiritgan sportchilar “Vatanparvar” tashkilotining diplom va esdalik sovg‘alari bilan taqdirlandi.