Bugungi “Dinamo” – “Navbahor” uchrashuvini Xayrulla Hamidov sharhlaydi

Bugungi “Dinamo” – “Navbahor” uchrashuvi azaliy raqiblar bo‘lgan Samarqand va Namangan jamoalari uchun juda muhim uchrashuv sanaladi.

Superliga 6-turiga start beriladigan Samarqanddagi o‘yinga qiziqish kattaligi uchun Xayrulla Hamidov boshchiligidagi “Sport” telekanali ham aynan ko‘hna shaharga kelmoqda. Qolaversa, Toshkent va Namangandan ham ko‘p mehmonlar kelmoqda.

“Dinamo” – “Navbahor” uchrashuvidagi g‘alaba ikki jamoadan birini turnir jadvalida kamida kuchli beshlikka olib chiqadi.

Qadrli Samarqand ahli, “Dinamo” muxlislari bugun aynan futbol o‘ynaydigan, tomosha qiladigan havo bo‘lib turibdi. Barchamiz “Dinamo” stadioniga imkon qadar oq futbolkalar yoki oq kiyimda kelib, “Dinamo” jamoasini haqiqiy “12-o‘yinchisi” ekanligimizni isbotlashimiz lozim! “Sport” telekanali qarshisida butun O‘zbekistonga samarqandcha muxlislik madaniyatini namoyish etishimiz shart!

Olg‘a, “Dinamo”! Samarqand ahli sen bilan!