«Dinamo» futbol klubining taqdimoti o‘tkazildi
Bugun, 8 mart kuni «Dinamo» futbol klubi superligadagi mavsum oldidan futbolchilari taqdimotini o‘tkazdi.
Shahrimizdagi «Yoshlar markazida» o‘tgan taqdimot marosimida Samarqand viloyat futbol federatsiyasi prezidenti, viloyat hokimi, mutasaddi tashkilotlar, klub rahbariyati va FUN CLUB vakillari ishtirok etishdi. Yuzdan ortiq muxlislar hamda OAV vakillari qatnashgan tadbirda dastlab «Dinamo» klubi bosh murabbiyi barchani boshlanajak yangi futbol mavsumi bilan qutladi. Shundan so‘ng, jamoaning bu yilgi tarkibi tanishtirilib, yangi futbolchilar va mahalliy yosh iqtidor sohiblariga raqam topshirish marosimi o‘tkazildi.
