Ro‘zimboy Ahmedov «Dinamo»da o‘ynaydi

Ayni kunlarda «Dinamo» jamoasi mavsumning ikkinchi qismiga puxta tayyorgarlik doirasida Samarqandda o‘quv-mashg‘ulot yig‘inini o‘tkazmoqda.

«Yig‘in doirasida «Dinamo» jamoasi tarkibida bir qator o‘zgarishlar yuz berdi. Klub yozgi transfer oynasida jamoa darvozaboni Dilshod Hamroyev, yarimhimoyachi Jamshid Hasanov, hujumchilar Faxriddin Alimov va Mixaylo Udod bilan o‘zaro kelishuvga ko‘ra amaldagi shartnomani bekor qildi va futbolchilar bilan do‘stona xayrlashdi.

Klub rahbariyati va murabbiylar shtabi qaroriga ko‘ra, «Dinamo» jamoasi safiga Ro‘zimboy Ahmedov taklif etildi. Birinchi davrani «Xorazm»da o‘tkazib, 7 ta golga mualliflik qilgan 34 yoshli tajribali hujumchi bilan mavsum yakuniga qadar kelishuvga erishildi», deyiladi klub matbuot xizmati xabarida.

Eslatib o‘tamiz, Ro‘zimboy Ahmedov 2012 yilgi mavsum Oliy ligada «Dinamo» sharafini himoya qilib, 23 o‘yinda 11 ta golga mualliflik qilgandi.