Urgutda 1,2 kilogramm marixuana savdosining oldi olindi
Samarqand viloyati IIB jinoyat qidiruv bo‘limi xodimlari giyohvandlikka qarshi kurashish doirasida Urgut tumanida tezkor tadbir o‘tkazdi.
Tadbir natijasida Urgut tumani Xo‘jayduk mahallasida yashovchi fuqaro I.D. 1 kilogramm 200 gramm marixuana giyohvandlik vositasini 43 million so‘mga sotayotgan vaqtda ashyoviy dalillar bilan qo‘lga olindi.
Ayni paytda mazkur holat yuzasidan viloyat IIB tomonidan tergov ishlari olib borilmoqda.
Samarqand viloyati ichki ishlar boshqarmasi matbuot xizmati.
