Андроид қурилмалар учун Zarnews.uz мобил иловаси. Юклаб олиш x

Трамвайларнинг йўлдан чиқиб кетиши рельсларнинг поездга мўлжаллангани оқибати

Жорий йилнинг 6 август куни Сартепа масканида 1-йўналишдаги трамвай йўлдан чиқиб кетгани ҳақида маълумот бергандик. Афсуски, ижтимоий тармоқларда муҳокамаларга сабаб бўлган ушбу ҳодисага мутасаддилар муносабат билдирмади.

«Sevimli» телеканалининг «Zamon» информацион дастури мухбирига интервью берган Самарқанд трамвай линияларини ишлатиш корхонаси бош муҳандиси Аҳмад Ҳусаинов ҳолатни қуйидагича изоҳлади: «Темир йўл излари, стрелкали ўтказгичлар талабга жавоб бермайди. Чунки ҳозирда трамвайларимиз ҳаракатланаётган рельслар аслида поездлар учун мўлжалланган. Бу масала бўйича тегишли ташкилотларга мурожаат қилган бўлсак-да, натижа бўлмаяпти».