АИ-80 маркали автомобиль бензинининг нархи яна ошди
Ўтган ҳафтада биржа савдоларига 30 426,0 тонна АИ-80 маркали автомобиль бензини қўйилди ва улардан 6 520,5 тоннаси, яъни 21,4 фоизи сотилди. Ўтказилган савдоларда ҳар куни ўртача 22 харидор иштирок этди.
Кўриб чиқилаётган даврда АИ-80 маркали автомобиль бензиннинг бошланғич нархи кўтарилганлиги сабабли унинг ўртача кунлик нархи ҳам маҳсулотнинг 1 тоннаси учун 5 763,0 минг сўмдан 5 822,5 минг сўмгача ёки 1 фоизга ўсди.
Кўриб чиқилаётган даврда АИ-80 русумли автомобиль бензиннинг ўртача ҳафталик котировкаси 5 767,9 минг сўмни, АИ-91 – 6 958,2 минг сўмни ташкил этди.
Эслатиб ўтамиз, турли манбаларда келтиришича, автомобиль бензинининг 1 тоннаси ўртача 1293-1370 литрни ташкил қилади.
