Бекор қилинган қатновларга авиачипталарни қайтариш ёки алмаштириш мумкин

Uzbekistan Airways авиакомпаниясининг бекор қилинган қатновларига авиачипталарни сотиб олинган жойда қайтариш мумкинлиги маълум қилинди.

Шу билан бирга авиачипталарни 2020 йил 5 апрелдан кейин бўлган бошқа саналарга алмаштириш имконияти ҳам мавжуд.

Эслатиб ўтамиз, Ўзбекистон Республикаси Ҳукумати қарори билан COVID-19 коронавирусининг биринчи ҳолати аниқланганидан сўнг бошқа мамлакатлар билан авиа ва автойўналишларни ёпиши сабабли 2020 йил 16 мартдан бошлаб Uzbekistan Airways авиакомпаниясининг халқаро йўналишлари бўйича бўлган қатновлари бекор қилинади.

Эслатиб ўтамиз, 16 мартдан бошлаб халқаро йўналишлар бўйича барча қатновлар бекор қилингани ҳақида хабар берган эдик.