Самарқанд - Олмаота йўналишида янги авиақатнов йўлга қўйилди
Аввал хабар берганимиздек, 17 мартдан Қозоғистоннинг лоукостер авиакомпанияси «FlyArystan» Самарқанд ва Олмаота ўртасида тўғридан-тўғри авиақатновларни йўлга қўйди.
Шу муносабат билан ташкил этилган тадбирда вилоят ҳокимлиги, Қозоғистоннинг Самарқанддаги Бош консуллиги, Самарқанд халқаро аэропорти раҳбарияти ва «FlyArystan» авиакомпанияси вакиллари иштирок этди.
Рўйхатдан биринчи бўлиб ўтган йўловчига авиакомпания томонидан авиачипта учун сертификат топширилди.
Самарқанддан Олмаотага парвозлар ҳафтасига икки марта сешанба ва шанба кунлари амалга оширилади.
