Дўкончидан харидингиз чекини талаб қилинг!

Тасаввур қилинг, дўкондан 100 минг сўмлик маҳсулот харид қилдингиз ва сотувчи cизга харид чеки бермади. Сотувчининг бу ҳаракати 4 минг сўм ягона солиқ яширилиши ва бюджетга тушум тушмаслигига сабаб бўлади. Агар бундай ҳолат бир ойда минг марта содир этилса 4 миллион сўм, 10 минг марта бўлса, 40 миллион сўм, агар 100 минг марта бўлса, сотувчи 400 миллион сўм маблағни солиқдан яширган ҳисобланади.

Бу маблағга бирорта мактаб ёки боғчани таъмирлаш, ижтимоий ёрдамга муҳтож, ногиронлиги бўлган шахсларга кўмак бериш ёки фуқаролар ҳаётини яхшилашга қаратилган лойиҳаларни амалга оширишга сарфлаш мумкин.

Шундай экан, дўкончидан харидингиз чекини талаб қилинг!