Энг кекса олимпиячи Феликс Сьенра вафот этди
1948 йилда Лондонда бўлиб ўтган ёзги Олимпия ўйинлари иштирокчиси уругвайлик Феликс Сьенра 107 ёшида вафот этди. Бу ҳақда Германиянинг Welt газетасига унинг қизи хабар берган.
Сьенра елканли спорт мусобақаларида қатнашган эди. 1948 йилги Олимпия ўйинларида уругвайлик олтинчи ўринни эгаллаган.
Сьенранинг ўлимидан сўнг, немис чавандози Вилли Бюзинг Олимпия ўйинларининг энг кекса вакилига айланди. У 1952 йилда Хеьлсинкида бўлиб ўтган ёзги Олимпиада ўйинларида қатнашиб, жамоавий триатлон бўйича кумуш ва индивидуал триатлонда бронза медалини қўлга киритган эди. Ҳозир у 101 ёшда.
