Геология фанлари университетида қайси йўналишлар бўйича ўқиш мумкинлиги аниқ бўлди
Жорий йилнинг 8 июнида Президентнинг “Давлат геология ва минерал ресурслар қўмитаси тизимида Геология фанлари университети фаолиятини ташкил этиш чора-тадбирлари тўғрисида”ги қарори қабул қилинди.
Унга кўра, университетда 7 та таълим йўналишлари (бакалавриат) ва 9 та мутахассисликлар (магистратура) бўйича кадрлар тайёрланиши белгиланган. 2020-2021 ўқув йилида 6 та таълим йўналишлари (бакалавриат) ва 4 та мутахассисликлар (магистратура) бўйича кадрлар тайёрланиши режалаштирилмоқда.
Геология фанлари университетига қабул жараёни билан боғлиқ тўлиқ маълумотлар онлайн анкетани тўлдириш ёки бошқа турдаги маълумотлар юзасидан бевосита Тошкент давлат техника университетининг тоғ-кон ва геология қидирув факультетлари биносининг 1-қаватида ташкил этилган “Call center”га душанбадан шанбагача соат 09:00 дан 18:00 га қадар мурожаат қилишингиз мумкин.
Телефон рақамлари: (71) 246 54 51
