Geologiya fanlari universitetida qaysi yo‘nalishlar bo‘yicha o‘qish mumkinligi aniq bo‘ldi

Joriy yilning 8 iyunida Prezidentning “Davlat geologiya va mineral resurslar qo‘mitasi tizimida Geologiya fanlari universiteti faoliyatini tashkil etish chora-tadbirlari to‘g‘risida”gi  qarori qabul qilindi.

Unga ko‘ra, universitetda 7 ta ta’lim yo‘nalishlari (bakalavriat) va 9 ta mutaxassisliklar (magistratura) bo‘yicha kadrlar tayyorlanishi belgilangan.  2020-2021 o‘quv yilida 6 ta ta’lim yo‘nalishlari (bakalavriat) va 4 ta mutaxassisliklar (magistratura) bo‘yicha kadrlar tayyorlanishi rejalashtirilmoqda.

Geologiya fanlari universitetiga qabul jarayoni bilan bog‘liq to‘liq ma’lumotlar onlayn anketani to‘ldirish yoki boshqa turdagi ma’lumotlar yuzasidan bevosita Toshkent davlat texnika universitetining tog‘-kon va geologiya qidiruv fakultetlari binosining 1-qavatida tashkil etilgan  “Call center”ga dushanbadan shanbagacha soat 09:00 dan 18:00 ga qadar murojaat qilishingiz mumkin.

Telefon raqamlari: (71) 246 54 51