Жанубий Кореянинг собиқ президенти рафиқаси ҳам ҳибсга олинди
Сеул суди Жанубий Кореянинг ҳибсга олинган собиқ президенти Юн Сок Ёлнинг рафиқаси Ким Конг Хини ҳибсга олди.
Юн ҳукуматдан четлатилган ва кейинчалик ҳарбий ҳолат жорий этишга урингани учун ҳибсга олинган эди. Унинг рафиқаси эса биржадаги фирибгарлик ва порахўрликда айбланмоқда.
52 ёшли Ким Конг Хи ўз айбини рад этди, бироқ суд унга ишонмади ва тўрт соат давом этган тингловдан сўнг уни қамоққа олишга қарор қилди, чунки агар у озод этилса, далилларни йўқ қилиши мумкин.
Бу Жанубий Корея тарихида биринчи марта собиқ президент ҳам, собиқ биринчи хоним ҳам ҳибсга олинганини кўрсатмоқда. Фақат президентнинг ўзини ҳукуматдан четлатиш, ҳибсга олиб, қамоққа ҳукм қилиш эса уч марта рўй берган.
