Самарқанд давлат тиббиёт институтида 1-курс талабаларига танишув дарслар бошланди
Бугун, 12 октябрдан бошлаб Самарқанд давлат тиббиёт институти бакалавриатининг барча йўналишлари 1-курсига қабул қилинган талабаларга танишув дарслари бўлиб ўтди.
Унда ҳар бир факультет декани талабаларга онлайн дарслар қандай ўтилиши ва дарс машғулотларини қай тартибда бажариш ҳақида маълумот берди.
Институтда 1-курс талабалари учун 2-3 кунгача анъанавий дарслар ташкил этилади. Дарсларда барча клиник базалар ва дарс бўлиб ўтадиган институт бинолари таништирилади.
Барча учрашувлар карантин қоидаларига ва санитария-гигиена талабларига қатъий риоя этилган ҳолда ўтказилмоқда.
Эслатиб ўтамиз, институт битирувчи курслари учун анъанавий ўқув машғулотлари 10 октябрдан бошланган.
Бошқа курс талабаларига дарслар институтда мукаммал яратилган электрон платформа орқали онлайн тарзда амалга оширилмоқда.
Самарқанд давлат тиббиёт институти ахборот хизмати.
