Самарқанд туманидаги хонадонда 43 минг шиша қалбаки акциз маркали алкоголь маҳсулотлари аниқланди
Вилоят ички ишлар бошқармаси, давлат солиқ хизмати органлари ҳамда Иқтисодий жиноятларга қарши курашиш департаменти ҳамкорлигида жойларда назорат тадбирлари ўтказилмоқда.
Тадбирлар давомида Самарқанд туманида яшовчи У.З. хонадонида умумий қиймати 560,2 млн. сўмлик 5 турдаги 43 228 шиша қалбаки акциз маркали алкоголь маҳсулотлари сақланаётганлиги аниқланди ва вақтинча олиб қўйилди.
Ҳолат юзасидан тегишли ҳужжатлар расмийлаштирилиб қонуний чора кўриш учун ҳуқуқни муҳофаза қилувчи органларга тақдим этилди.
