Самарқандда 141 нафар нафар ўқувчи олтин ва кумуш медал билан тақдирланди
Ўзбекистонда 2018-2019 ўқув йили якунига кўра, 4990 нафар ўқувчи умумий ўрта таълим мактабларини олтин ва кумуш медаль билан тамомлади, деб маълумот берди Халқ таълими вазирлиги ахборот хизмати.
Хабарда келтирилишича, Ўзбекистонда 2018-2019 ўқув йилида 9691 мактабда жами 5,8 миллион нафар ўқувчи таълим олган. Бу йил улардан 279,78 минг нафари 11-синфни битирган.
Шундан, олтин медаль билан битирган ўқувчилар сони 2524 нафарни ташкил этган. 2466 нафар мактаб битирувчиси эса кумуш медаль соҳиби бўлган.
Эслатиб ўтамиз, олтин ва кумуш медаль соҳибларига олий таълим муассасаларига киришда ҳеч қандай имтиёз берилмайди.
