Самарқандда судьялар майдонда куч синашди
Мустақиллик байрами олдидан жиноят ишлари бўйича Самарқанд вилояти судлари ходимлари ўртасида суднинг касаба уюшма қўмитаси ҳамда Самарқанд вилоят футбол федерацияси ҳамкорлигида “Мустақиллик кубоги - 2019” футбол мусобақаси ўтказилди.
Ўзаро ҳурмат, тенглик тамойиллари ва профессионал футбол қоидалари асосида ўтган мусобақада жиноят ишлари бўйича Пастдарғом туман суди жамоаси биринчи ўринни эгаллаб, мусобақа кубогини қўлга киритди. Шунингдек, Булунғур тумани суди жамоаси иккинчи, вилоят ва Оқдарё тумани судлари жамоалари учинчи ўринни эгалладилар.
Мусобақада “Энг яхши ўйинчи”, “Мусобақа тўпурари” номинациялари бўйича ғолиблар аниқланиб, ташкилотчиларнинг эсдалик совғалари билан тақдирланди.
Жиноят ишлари бўйича
Самарқанд вилоят суди.
