Улар - ҳунарманд, тадбиркор, лидер

2007 йил БМТ бош ассамблеяси 15 октябрни “Халқаро қишлоқ аёллари” куни деб эълон қилди. Бу сана қишлоқ аёлларининг оила ва жамият тараққиётида тутган ўрнини эътироф этиб, уларнинг меҳнати ва жасоратини қадрлаш рамзидир.

Бугунги кунда бу сана бутун дунёда қишлоқ аёлларига бўлган ҳурмат ва миннатдорчилик сифатида кенг иншонланмоқда.
Айни пайтда мамлакатимизда 9 миллионга яқин хотин-қизлар қишлоқ ҳудудларидаги маҳаллаларда истиқомат қилади. Уларнинг аксарияти қишлоқ хўжалигининг турли соҳаларида, тадбиркорлик, ҳунармандчилик, томорқадан самарали фойдаланиш йўналишларида самарали меҳнат қилмоқда.
Вилоятимизда ҳам бу йил ушбу сана муносабати билан қишлоқ ҳудудларидаги хотин-қизларни қўллаб-қувватлаш мақсадида турли тадбирлар, учрашувлар ташкил этилмоқда. Фермер хўжаликлари, корхоналарда меҳнат қилаётган аёлларни рағбатлантириш билан бир қаторда ногиронлиги бор, оғир турмуш шароитида яшаётган аёллар ҳолидан хабар олинмоқда.
20 октябрга қадар “Доим эътибордасиз!” шиори остида ижтимоий ҳимояга муҳтож, нуроний онахонлар тиббий кўрикдан ўтказилмоқда. Улар ўртасида спорт мусобақалари ташкил этилмоқда.