Yaponiyaning Nara shahri hokimi - Samarqandda

Samarqand va Nara shaharlari birodar shaharlar bo‘lib, bugun, 17 aprel kuni Nara shahri hokimi Gen Nakagava boshchiligidagi delegatsiya a’zolari Samarqand shahriga tashrifi doirasida “Ipak yo‘li” turizm va madaniy meros xalqaro universitetida bo‘ldi.

Mehmonlarni universitet rahbariyati Markaziy Osiyoda yagona bo‘lgan turizm va madaniy meros sohalarida xalqaro darajada mutaxassislar tayyorlashga ixtisoslashgan oliygoh faoliyati bilan yaqindan tanishtirdi. Yaponiyaliklarda universitetning aqlli kampusidagi turk xalqlariga oid milliy kiyimlar galereyasi, rasmlar ko‘rgazmasi katta taassurot qoldirdi.

Delegatsiya a’zolari Turizm akademiyasi faoliyati bilan yaqindan tanishdi. Bu yerda Nara shahri hokimi Gen Nakagava va Samarqand shahar hokimi Fazliddin Umarovning hamda yaponiyalik va samarqandlik bir guruh tadbirkorlarning o‘zaro muloqoti tashkil qilindi.