Афғонистондаги зилзила қурбонлари сони ортмоқда

Эпицентри Афғонистон шимоли-шарқида бўлган зилзила оқибатида қурбонлар сони 9 кишига етди, 44 киши жароҳат олган, деб хабар қилмоқда The News мамлакат табиий офатларни бошқариш бошқармасига таяниб.

Кеча Афғонистонда Тожикистоннинг Тоғли Бадахшон мухтор вилояти билан чегарадош Ишкашим шаҳридан 50 километр узоқликда 6,5 магнитудали зилзила қайд этилган. Силкинишлар Ҳиндистон, Покистон ва Марказий Осиё давлатларида ҳам сезилган.

Аввалроқ маҳаллий Dawn нашри зилзила оқибатида икки киши ҳалок бўлгани ва олти киши жароҳатлангани ҳақида хабар берган эди.