Афғонистоннинг Бадахшон шаҳрида портлаш оқибатида 13 киши, жумладан Толибон қўмондони ҳалок бўлди
Афғонистоннинг Бадахшон вилоятининг Файзобод шаҳридаги масжидда портлаш содир бўлди. Портлаш оқибатида 13 киши ҳалок бўлган, улар орасида Толибон ҳаракати қўмондони Сафиуллоҳ Яфтали ҳам бор.
Aamaj News ахборот агентлигининг хабар беришича, портлаш Толибоннинг Бадахшон вилояти губернатори ўринбосари Нисор Аҳмад Аҳмадийни хотирлаш маросимида бўлган.
Яқин-яқингача Бағлон вилоятида Толибон хавфсизлиги бошлиғи бўлган Яфтали билан Қори Эҳсонуллоҳ масжиди имоми ва бошқа таниқли оқсоқоллар ўлдирилган.
Ҳозирча мамлакатда фаолият юритаётган ҳеч бир қуролли гуруҳ бугунги ҳужум учун жавобгарликни ўз зиммасига олмади.
