АҚШ компанияси Жиззахда соя етиштиради

Жиззах вилоят ҳокимлиги ва АҚШ нинг нуфузли “Алфа Эко” компанияси негизида ташкил топган “Америка соя ловияси корпорацияси” (Америsан сойбеан sорпоратион) ўртасида вилоят далаларида соя етиштириш бўйича ҳамкорлик меморандуми имзоланди. Бу ҳақда хс.уз хабар бермоқда.

-Юртингизнинг иқлими, табиий шароити, қуёшга тўйинган тупроқ соя етиштириш ва уни парваришлаш учун жуда мос келади, - дейди “Америsан сойбеан sорпоратион” президенти Фима Потик. – Биз, дастлабки йили 100 минг гектар майдонда деҳқончилик қиламиз, Ўзбекистонга мослаб уруғ навини яратамиз, унинг ҳосилдорлигини ошириш чорасини кўрамиз, маҳаллий мутахассисларни тайёрлаймиз ҳамда уларни Америкада ўқитиб келамиз.

Меморандум доирасида вилоятга 350 миллион АҚШ доллари миқдорида инвестиция киритишга эришилди. Шунингдек, сояни экиш, қайта ишлаш, тайёр маҳсулот ҳолатига келтириш, ички бозорни таъминлаш, ортиқчасини хорижга экспорт қилиш, янги логистика марказларини қуриш ҳамда кластер ташкил этиш, соя чиқиндисидан чорва моллари учун озуқа маҳсулотлари ишлаб чиқариш масалалари бўйича ҳам келишиб олинди.