Шифохонада даволанаётганлар ҳам овоз берди

Республика ихтисослаштирилган кардиология илмий амалий тиббиёт маркази Самарқанд филиалида жойлашган 121-сайлов участкасида ҳам овоз бериш жараёнлари давом этмоқда.

Участка комиссияси раиси Абдуваҳоб Абухолиқовнинг айтишича, марказда 147 нафар сайловчи рўйхатга олинган ва уларнинг жараёнда иштирок этишлари учун зарур шароитлар яратилган.

- Ёшим 75 да, тўрт кундан буён шу ерда даволаняпман, - дейди Пахтачи тумани Болтали маҳалласида яшовчи Фароғат Жумаева. - Бу галги Президент сайловида шифохонадан овоз бердим. Бу ерда овоз бериш учун барча шароит яратилган. Номзодларнинг сайловолди дастури билан танишиб, юртимиз тинчлиги, фарзандларим келажаги учун муносиб номзодга овоз бердим.