Бугун Нодирбек Абдусатторов Магнус Карлсенга қарши дона суради

Нидерландияда шахмат бўйича «Tata Steel Chess-2023» халқаро мусобақаси бўлиб ўтмоқда.

Аҳамиятлиси, унда Ўзбекистон терма жамоасининг икки нафар вакили Нодирбек Абдусатторов (2713) «Masters» ва Жавоҳир Синдоров (2654) «Chellenjer» гуруҳларида иштирок этмоқда.

Бугун шахматчилар нуфузли турнирда навбатдаги тур беллашувларида дона суради. «Masters» гуруҳининг 5-турида Нодирбек Абдусатторов норвегиялик таниқли гроссмейстер Магнус Карлсенга (2859), «Chellenjer» гуруҳининг 6-турида Жавоҳир Синдоров бразилиялик Луис Паоло Супига (2608) баҳс олиб боради.

Айни пайтда Абдусатторов 4 турдан сўнг ўз гуруҳида 3 очко билан иккинчи, Синдоров эса 5 турдан сўнг 3.5 очко билан иккинчи поғонада кетмоқда.