Депутат талабанинг контракт пулини тўлаб берди
Халқ депутатлари Самарқанд вилояти Кенгаши депутати Н.Холиқов Самарқанд туманидан вилоят кенгашига сайланган. У доим халқ орасида юради, сайловчилари дарду ташвишларини эшитиб, ёрдам беришга ҳаракат қилади.
Н.Холиқов сайлов округи ҳудудидаги кам таъминланган оилалардан бирининг фарзанди – Маъруф Ортиқов бу йил педагогика институтининг физика-астрономия факультетига ҳужжат топшириб, тўлов-контракт асосида талабаликка тавсия этилибди. Аммо оила бу тўловни амалга оширишга қийналиб турганда, депутат уларни қўллаб-қувватлади. Талабанинг бир йиллик тўлов-шартнома пули Н.Холиқов томонидан тўлаб берилди.
– Яхши билим олиб, юртимизга фойдаси тегадиган мутахассис бўлиб етишса, савоби бизга ҳам тегади, – дейди Н.Холиқов.
