«Динамо» янги мавсумга тайёргарликни Самарқандда бошлади

Жамоа ўқув-машғулот йиғинини 16 январдан Бирлашган Араб Амирликларида давом эттиради.

Бугун, 23 декабрдан «Динамо» жамоаси Самарқандда янги мавсумга тайёргарликнинг дастлабки ўқув-машғулот йиғинига киришди.

Клуб ахборот хизматининг маълум қилишича, жамоанинг янги мавсумга тайёргарлик режаси ишлаб чиқилган бўлиб, селекция ишлари ҳам давом эттирилмоқда.

Вадим Абрамов бошчилигидаги жамоа 23-30 декабрь кунлари Самарқандда дастлабки машғулотларни ўтказади. 3 январь куни Тошкентда ўқув-машғулот йиғинининг кейинги босиқичи давом эттирилади.

Пойтахтда ўтадиган икки ҳафталик тайёргарлик жараёнидан сўнг «Динамо» жамоаси 16 январдан Бирлашган Араб Амирликларига йўл олади.

Абу-Дабида ўтадиган икки ҳафталик йиғин давомида бир қатор хориж клублари билан ўртоқлик учрашувлари ўтказилиши ҳамда жамоа таркиби кучайтирилиши режалаштирилган.